السلام عليكم ورحمة الله وبركاته و يعطيكم العافيه اخواني رواد منتدى قاروه
بس في موضوع شوي حساس حبيت اني اتكلم عنه ممكن راح احصل مؤيدين للموضوع و ممكن معارضين و ممكن في ناس راح تاخذ بخاطرها مني بس حشى والله والحشى عن الف يمين انا ما اقصد اي شخص معين و لكن ودي الكل يتعض و يستفيد و يفهم امور الحياة 0
اول احب اتكلم عن كلمة (نوخذه) يا جماعه ترى هالكلمه معناها كبير حيل في ناس فاهمه ان كل من طلع بحر و صاد سمجة طيبه قالو خلاص هذا نوخذه 0000000000 و هذا اكبر غلط لان كلمة نوخذه تطلق على الشخص الي يتمتع بروح القياده و الشخصيه القويه و التصرف السليم و صاحب الكلمه المسموعه و له باع كبير في البحر و يدل و يعرف الاماكن بدون ديره او جي بي اس و يعرف ان ممكن مع دورة المايه الهوا يسمت فيكون اهو الانذار المبكر و يعرف كل محدق متى موسمه و متى تروحله 0000 هذا يسمى نوخذه بغض النظر عن كمية السمج الي يصيده او نوعه
و هم عندي بعد نقطه احب اثيرها و اهي بخصوص الحداق و الطلعات الجماعيه 0
طبعا اهم شي في الحداق و الطلعات الجماعيه التعاون و التضحيه و طبعا التعاون يكون بكل شي بالاكل و الشرب و البانزين و الدهن و الييم و مانخلي كل شي على ظهر راعي الطراد و هاذي اكثر شغله انا قاعد الاحظها ان اغلب المصاريف تكون على ظهر راعي الطراد و هذا غلط و لازم يكون تعاون بكل شي و كذلك التضحيه وانا اقصد بالتضحيه اني مومشكله عندي اني استمتع بالرحله او ما استمتع لازم مثل ما انا ابي استانس ابي الكل يستانس و الوناسه مو مقتصره على واحد او اثنين و الباجي طاف و هذا اكبر غلط اهني يجي دور التضحيه يعني لما يكون في شخص اكبر مني بالعمر ابدي علي و تكون له الاولويه بكل شي قبلي انا و كذلك وقت الطرحه او الشيله تلاقي نفر او نفرين معروفين كله يروحون حق السن جنه تقول ماكو غيرهم بالطراد 0000 و للاسف تلاقي واحد يايبه معاك و من اول ما تطلع بحر يقعد الحبيب تفر و مايقوم من مكانه و بس فالح عطوني ييم و عطوني بيبسي و عطوني صمونه و عطوني و عطوني 00000000 قم هز طولك و ثول يثولك شنو ماتستحي ماتقول في ناس كبار معاي بالطراد لهم احترامهم و تقديرهم 0000
طبعا ارجو ان يكون كلامي خفيف عليكم و ارجو ان الكل يتقبل كلامي و يفهمه و خصوصا الشباب اليدد على البحر يستفيدون منه و يعطيكم العافيه0
النوخذه لايبا لاحد يفهم قلط
قصدي اخوكم المتواضع عبدالله الصانع